Jul

23

«Քաղբանտարկյալների օրերը» շարունակվում են

Filed Under Zhamanak Daily 

«Քաղբանտարկյալների օրերը» շարունակվում ենԵրեկ Հյուսիսային պողոտայի այցելուների եւ նստացույցի մասնակիցների համար հայտարարված էր քաղբանտարկյալներ` Մատենադարանի փոխտնօրեն Արշակ Բանուչյանի, «Հանրապետություն» կուսակցության քաղխորհրդի անդամ Սմբատ Այվազյանի եւ ՀՀՇ վարչության անդամ Վահագն Հայոցյանի օրը:

Տիգրան Պասկեւիչյանը ներկայացնելով Արշակ Բանուչյանին` նշեց, որ այսօր բանտում նման գիտնական ունենալու փաստը մեր իշխանությունների ամոթն է` այն դեպքում, երբ Հայաստանի վարչապետը տարբեր ամբիոններից հայտարարել է, որ ամենամեծ տեղը Հայաստանում պետք է ունենան տաղանդավոր, ինտելեկտուալ, կիրթ մարդիկ. «Էդ ի՞նչ հանցանք է կատարել Արշակ Բանուչյանը, ով իր համակարգչի հետեւից գնալով դատախազություն` ձերբակալվել է», - հարց ուղղեց Տիգրան Պասկեւիչյանը` վստահեցնելով. «Ակնհայտ է, որ Արշակ Բանուչյանը ձերբակալվել է մեր Շարժման ամբողջ խճանկարը ամբողջացնելու համար: Այնտեղ կային նախկին նախարարներ, ազատամարտիկներ, դիվանագետներ, բայց չկար գիտնական, պետք էր մի գիտնական եւ անպայման պետք էր, որ այդ գիտնականը կապ ունենար Մատենադարանի հետ, որտեղից դուրս է եկել մեր Շարժման առաջնորդ` Լեւոն Տեր-Պետրոսյանը»: «Հանրապետություն» կուսակցության անդամ Լյովա Եղիազարյանը, ներկայացնելով Սմբատ Այվազյանին, նշեց, որ նա քաղբանտարկյալի դասական օրինակ է, եւ որ նա իրեն մեղավոր չի ճանաչում. «Նա մեզ կոչ է անում պայքարել մինչեւ վերջ` մինչեւ հանցավոր ռեժիմը հեռանա Հայաստանից»: ՀՀՇ վարչության անդամ Կարեն Կարապետյանը ներկայացրեց Վահագն Հայոցյանին. «Մարդ, ով մշտապես եղել է թիկունք իր ավագ ընկերներին, մարդ, ով եղել է լավ ուսուցիչ, երիտասարդությանը ճիշտ ուղղորդող: Պետք է լինել իսկապես հոգով արի եւ ուժեղ կամքի տեր, որպեսզի դիմակայելով կյանքի ծանրագույն հարվածին` կորցնելով 24-ամյա միակ որդուն, ուժ գտնես շարունակելու վաղուց սկսած եւ դեռեւս անավարտ գործը», - նշեց Կ.Կարապետյանը: Երեկ «Հյուսիսայինում» նշեցին նաեւ «Հանրապետություն» կուսակցության առաջնորդ Արամ Սարգսյանի ծննդյան տարեդարձը` քաղցրավենիքով, ծափողջույններով: Հյուսիսային պողոտայում երեկ ինտենսիվ շարունակվում էր` Ռ.Քոչարյանի գործը Հաագայի միջազգային դատարան հանձնելու ստորագրահավաքը:

Source: http://www.zhamanak.com

Permanent link:  http://www.armpress.com/zhamanak/2008/07/23/1224/

Comments

Comments are closed.

    Friday, 10 February 2012

  • Admin

  • Calendar

    • July 2008
      M T W T F S S
      « Jun   Aug »
       123456
      78910111213
      14151617181920
      21222324252627
      28293031  

  • Archives

  • Links

  • International newspers: