-
Newspapers
-
Recently Written
- Հայաստանի իրական նախագահը
- Ереван 2008: Центр разгружен, но проблем хватает
- 2009 թվականը լինելու է համառ աշխատանքի տարի
- Ключи от Карабаха не в Ереване и не в Баку
- ԲՈՐԲՈՔՎՈՒՄ ԵՆ ԿՐՔԵՐԸ ԱԲԴՈՒԼԼԱՀ ԳՅՈՒԼԻ ՄՈՐ «ՀԱՅԿԱԿԱՆ» ԾԱԳՄԱՆ ՇՈՒՐՋԸ
- Turkish MP Urges Parliament to Apologize to Armenians; Brawl Ensues
- HyeSanta 2009: Making a mark while making a difference
- ՀԱՄԱՁԱՅՆԱԳԻՐ «ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅԱՆ ԵՎ ՈՒԿՐԱԻՆԱՅԻ «ՌԵԳԻՈՆՆԵՐԻ ԿՈՒՍԱԿՑՈՒԹՅԱՆ» ՄԻՋԵՎ
- ДВОЙНЫЕ СТАНДАРТЫ ЕС
- Տեղեկատվական պատերազմներ
-
Search
-
-
Sep
26
ՀՀ նախագահ Սերժ Սարգսյանը երկկողմ հանդիպումներ է ունեցել Նյու Յորքում
ՀՀ նախագահը շնորհակալություն է հայտնել Նիդերլանդների վարչապետին՝ ԼՂ հիմնախնդրի կարգավորման հարցում դրսեւորած հավասարակշռված մոտեցման համար։ Սերժ Սարգսյանը Յան Պիտեր Բալկենենդեին տեղեկացրել է նաեւ իր հրավերով Թուրքիայի նախագահի Հայաստան կատարած այցի մասին։ Իր հերթին Նիդերլանդների վարչապետը ողջունել է Հայաստանի եւ Թուրքիայի միջեւ ընթացիկ երկխոսությունը։ Անդրադառնալով Նիդերլանդների խորհրդարանում հայոց ցեղասպանության խնդրի քննարկումներին, Հոլանդիայի վարչապետը նշել է. «Մենք, իհարկե, շատ լավ տեղյակ ենք ցեղասպանության խնդրին, կարեւոր է անկեղծ եւ ազնիվ լինել պատմության հետ»։
Հոլանդիայի վարչապետը շնորհակալություն է հայտնել ՀՀ նախագահին՝ վրաց—օսական ճգնաժամի շրջանում Հոլանդիայի քաղաքացիներին ցուցաբերած աջակցության համար, ինչի շնորհիվ Վրաստանում գտնվող Հոլանդիայի հարյուրավոր քաղաքացիներ հնարավորություն են ունեցել Հայաստանի տարածքով վրադառնալ հայրենիք։
ՀՀ նախագահը Հոլանդիայի վարչապետին հրավիրել է այցելելու Հայաստան, ինչը կնպաստի երկու երկրների միջեւ քաղաքական երկխոսության հետագա խորացման եւ տնտեսական փոխգործակցության հեռանկարներն առավել հանգամանալից քննարկելուն։
Սերժ Սարգսյանը երեկ Նյու Յորքում հանդիպում է ունեցել ԵԱՀԿ Մինսկի խմբի համանախագահների հետ։ Ինչպես «Արմենպրեսին» հայտնեց ՀՀ նախագահի մամլո քարտուղար Սամվել Ֆարմանյանը, հանդիպման ժամանակ քննարկվել են Լեռնային Ղարաբաղի հիմնախնդրի խաղաղ կարգավորման գործընթացը, ինչպես նաեւ Հայաստանի եւ Ադրբեջանի նախագահների հաջորդ հանդիպման հնարավորությունները։
ՀՀ նախագահը երեկ երկկողմ հանդիպումներ է ունեցել նաեւ Սերբիայի նախագահ Բորիս Տադիչի, Լատվիայի նախագահ Վալդիս Զատլերսի հետ։ Երեկ ՀՀ նախագահը առանձնազրույց է ունեցել նաեւ ԱՄՆ պետքարտուղար Քոնդոլիզա Ռայսի հետ, իսկ երեկոյան մասնակցել է ամերիկահայ առաջատար կազմակերպությունների կողմից ՀՀ նախագահի պատվին կազմակերպված ընթրիքին, որին հրավիրված են եղել ամերիկահայ համայնքի ավելի քան 700 ներկայացուցիչներ։ Այսօր ՀՀ նախագահը ելույթ կունենա ՄԱԿ—ի ԳԱ 63—րդ նստաշրջանում եւ կունենա այլ երկկողմ հանդիպումներ։
Source: http://www.hhpress.am
Permanent link: http://www.armpress.com/hhpress/2008/09/26/1383/
