-
Newspapers
-
Recently Written
- Հայաստանի իրական նախագահը
- Ереван 2008: Центр разгружен, но проблем хватает
- 2009 թվականը լինելու է համառ աշխատանքի տարի
- Ключи от Карабаха не в Ереване и не в Баку
- ԲՈՐԲՈՔՎՈՒՄ ԵՆ ԿՐՔԵՐԸ ԱԲԴՈՒԼԼԱՀ ԳՅՈՒԼԻ ՄՈՐ «ՀԱՅԿԱԿԱՆ» ԾԱԳՄԱՆ ՇՈՒՐՋԸ
- Turkish MP Urges Parliament to Apologize to Armenians; Brawl Ensues
- HyeSanta 2009: Making a mark while making a difference
- ՀԱՄԱՁԱՅՆԱԳԻՐ «ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅԱՆ ԵՎ ՈՒԿՐԱԻՆԱՅԻ «ՌԵԳԻՈՆՆԵՐԻ ԿՈՒՍԱԿՑՈՒԹՅԱՆ» ՄԻՋԵՎ
- ДВОЙНЫЕ СТАНДАРТЫ ЕС
- Տեղեկատվական պատերազմներ
-
Search
-
-
May
20
Նախագահ Սերժ Սարգսյանը երեկ ընդունել է «Գազպրոմ» ընկերության նախագահ Ալեքսեյ Միլլերին։
Ողջունելով հյուրին, հանրապետության նախագահն ասել է, որ ի դեմս «Գազպրոմի», Հայաստանն ունի կայուն եւ հեռանկարային գործընկեր։ Երկրի ղեկավարը վստահություն է հայտնել, որ փոխգործակցությունն առաջիկայում ոչ միայն հաջողությամբ կզարգանա, այլեւ՝ կհամալրվի նոր բովանդակությամբ։
Կողմերը գոհունակությամբ փաստել են, որ վերջին տարիներին «ՀայՌուսգազարդն» աշխատում է բավականին արդյունավետ, ցուցանիշները տպավորիչ են եւ փաստը, որ հանրապետությունում էապես ավելացել է գազի սպառման ծավալը, վկայում է ոչ միայն այդ ընկերության, այլեւ՝ Հայաստանի տնտեսության կայուն զարգացման մասին։ Որպես կարեւոր ձեռքբերում նշվել է նաեւ վերջին տարիներին բնակչության կողմից գազի սպառման ծավալների էական աճը։ Ըստ նախագահի, իրականացվող լայնածավալ գազաֆիկացման արդյունքում Հայաստանն այսօր աշխարհի ամենագազաֆիկացած երկրներից մեկն է։
Զրուցակիցները խոսել են նաեւ գազի սակագնի եւ գնագոյացման մասին։ Ալեքսեյ Միլլերն ասել է, որ «Գազպրոմը» նախատեսում է 2011 թվականին թե Ռուսաստան եւ թե դուրս մատակարարվող գազի համար ապահովել հավասար եկամտաբերություն։ Կողմերը պայմանավորվել են մինչեւ 2011 թվականը գազի սակագնի փոփոխությունը համաձայնեցնել քայլ առ քայլ՝ հաշվի առնելով «ՀայՌուսգազարդում» «Գազպրոմ» ընկերության 72 տոկոս բաժնեմասը, ինչպես նաեւ Հայաստանի Հանրապետության սուբյեկտների համար ապահովել կանխատեսելիություն եւ մատչելիություն։
Հանդիպմանն անդրադարձ է եղել նաեւ նավթավերամշակման գործարանի կառուցման շուրջ բանակցություններին, ինչպես նաեւ «Գազպրոմի» կողմից Հայաստանի էներգետիկ համակարգում իրականացվող այլ ներդրումային ծրագրերի ընթացքին։
ՀՀ նախագահի մամլո գրասենյակ
Source: http://www.hhpress.am
