• Newspapers

  • 168 Hours Weekly
  • Aravot newspaper
  • ArmeniaNow Weekly
  • ArmPress.com
  • Asbarez Daily
  • AZG Armenian Daily
  • Delovoy Express weekly
  • Golos Armenii
  • Hayastany Hanrapetutyun daily
  • Hetq Online
  • Iravunk newspaper
  • Novoe Vremia newspaper
  • Republica Armenia newspaper
  • Zhamanak Daily

• Recently Written

  • СТРАТЕГИЧЕСКИЕ ПАРТНЕРЫ ВО ВСЕХ ОТНОШЕНИЯХ
  • Քոչարյանի շանսը
  • «Մեկ կադր, մեկ րոպե»-ն` 21-րդ դարի կինոփառատոն
  • Если Турция обманет Армению, то она обманет себя
  • XXI век и армянский вопрос
  • WHAT IS KARS AGREEMENT?
  • What Happens Next?
  • Coalition Exit: Armenia’s hardline party pulls out of government over policy difference
  • ԹՈՒՐՔ ԴԻՎԱՆԱԳԵՏՆԵՐԸ ԳՈՐԾՈՒՄ ԵՆ ԹԻԿՈՒՆՔԻՑ
  • The choice is yours

• Search
• Buy fresh cut wholesale flowers USA nationwide delivery.
  medifast diet
  
• 

Կինեռեժիսոր Գ. Ղազարեի խոսքերով այսօր ամբողջ աշխարհում շատ հետաքրքիր միտումներ են նկատվում. «Այսօր կարելի է ֆիլմ նկարել բջջային հեռախոսով, որը կարող է ավելի շատ ասելիք ունենալ, քան 2 ժամանոց երկարամետրաժ, պրոֆեսիոնալ տեխնիկայով նկարված ֆիլմը»:

Մայիսի 17-24-ը ՆՓԱԿ-ում (Նորարար փորձառական արվեստի կենտրոն) կմեկնարկի «Մեկ կադր, մեկ րոպե» (One minute, one shot) կինոփառատոնը:
Փառատոնին հայտ են ներկայացրել արդեն 103 մասնակից: «Եթե մեր փառատոնի առաջին տարում` 2003թ.-ին, «համոզելով» հայտ են ներկայացրել ընդամենը 13 մասնակից, այս տարի այդ երկու թվերի միջեւ մի զրո ենք ավելացրել, դարձնելով 103»,-ասում է փառատոնի կազմակերպիչ, ՆՓԱԿ-ի կինոյի եւ թատրոնի բաժնի տնօրեն Գագիկ Ղազարէն:

Հայաստանյան այս փառատոնը առանձնանում է աշխարհի նման փառատոններից նրանով, որ ֆիլմը բացի մեկ րոպեանոց լինելուց, պետք է նաեւ մեկ կադրից բաղկացած լինի: «Սա հեշտացնում է մեր մասնակիցների աշխատանքը, քանի որ մոնտաժի հետ աշխատանք համարյա թե չկա»,-ասում է Գ.Ղազարէն:

Գագիկ Ղազարէն այս փառատոնով հասկացել է, որ հայերին կինոն, նկարը հարազատ են ու հետաքրքիր.« Հայերը սիրում են պատկերի հետ խաղալ, նույնիսկ մի բան կտեսնեն, կհանեն բջջայինները ու կսկսեն նկարել»,-ծիծաղում է Գ.Ղազարէն:

Փառատոնը սերտորեն համագործակցում է նմանատիպ մրցույթների հետ ամբողջ աշխարհում: Կազմակերպիչներն ասում են, որ իրենց առավելությունն այն է, որ իրենք չեն արխիվացնում մասնակիցների աշխատանքները, այլ դրանք մասնակցում են տարբեր երկրների փառատոններին: Օրինակ 2008թ.-ի նոյեմբերի Ամստերդամի «Մեկ րոպե» կինոփառատոնի ժամանակ մրցանակի է արժանացել Արփա Հակոբյանը իր «Լռության աշխարհ» ֆիլմով, որտեղ մեկ րոպեի ընթացքում ծերանոցում ապրող մի տատիկ պատմում է իր մեծ ընտանիքի, դրա խնդիրների մասին: «Ֆիլմը հուզիչ էր եւ հուզիչ էր այնքանով, որ մեկ րոպե էր, եւ այդ մեկ րոպեն բավական էր ասելու այնքան շատ, որ բոլորը հուզվեին»:

2008թ.- Օլիմպիական խաղերի նախօրեին Պեկինի «Ժամանակակից արվեստի թանգարանում» շուրջ 60 երկրների` այդ թվում եւ Հայաստանին տրամադրված էր մեկական էկրան , որտեղ ցուցադրվում էին «Մեկ կադր, մեկ րոպե» փառատոնի մասնակիցների ֆիլմերը:

Այս տարի փառատոնին լինելու է մի քանի նոմինացիա` «Հեղինակների մրցանակ» (մասնակիցներն իրենց միջից են ընտրելու լավագույնին), «Լավագույն ֆիլմը» ( ժյուրիի մրցանակ), «Լավագույն կադր» (ժյուրիի կողմից 4 մրցանակ), «Լավագույն կարճամետրաժ ֆիլմը» (ժյուրիի մրցանակ) եւ «Կինո առանց սահմանների» (մրցանակ Գագիկ Ղազարէի կողմից): Այս տարի բացի ֆիլմերի ցուցադրությունից կազմակերպվելու են նաեւ բանավեճեր եւ քննարկումներ:

Լիլիթ Նուրիջանյան
Source: http://hetq.am

Permanent link:  http://www.armpress.com/hetq/2009/04/28/1517/

Comments