Oct

2

ՍՊԱՆՈՒԹՅԱՆ ԻՆՁ ԴՐԴԵՑ ՅԱՍԻՆ ՀԱՅԱԼԸ, ԹՄՐԱՆՅՈՒԹ ԷԻ ՕԳՏԱԳՈՐԾԵԼ

Filed Under AZG Armenian Daily 

ՍՊԱՆՈՒԹՅԱՆ ԻՆՁ ԴՐԴԵՑ ՅԱՍԻՆ ՀԱՅԱԼԸ, ԹՄՐԱՆՅՈՒԹ ԷԻ ՕԳՏԱԳՈՐԾԵԼ«ՍՊԱՆՈՒԹՅԱՆ ԻՆՁ ԴՐԴԵՑ ՅԱՍԻՆ ՀԱՅԱԼԸ, ԹՄՐԱՆՅՈՒԹ ԷԻ ՕԳՏԱԳՈՐԾԵԼ»
Õ€Õ¡ÕµÕ¿Õ¡Ö€Õ¡Ö€Õ¸Ö‚Õ´ Õ§ Õ€Ö€Õ¡Õ¶Õ¿ Ô´Õ«Õ¶Ö„Õ«Õ¶ Õ½ÕºÕ¡Õ¶Õ¸Õ²Õ¨ Õ¤Õ¡Õ¿Õ¡Õ¯Õ¡Õ¶ Õ¶Õ«Õ½Õ¿Õ¸Ö‚Õ´

Երեկ Ստամբուլի քրեական 14-րդ դատարանում գումարվել է Հրանտ Դինքի սպանության գործով դատական երկրորդ նիստը, որտեղ մեղադրյալի աթոռին են նստել 19 կասկածյալներ, որոնցից 8-ի համար որպես խափանման միջոց կիրառվում է կալանքը: Դատարանի առաջին նիստը տեղի էր ունեցել հուլիսի 2-ին: Դատախազությունը որպես պատժամիջոց վերոհիշյալ 19 մեղադրյալների համար պահանջել է 7,5 տարվա ազատազրկումից մինչեւ ցմահ բանտարկություն:

Այնուամենայնիվ, սպանությանը սերտորեն առնչվող բազմաթիվ փաստեր անհասանելի են մնացել դատախազների համար: Նշելով այդ մասին հոկտեմբերի 1-ի համարում, «Ռադիկալը» գրում է, որ փաստերի քողարկումը քրեորեն պատժելի հանցագործություն է, անհրաժեշտ էր սպանությունից հետո վարչական միջոցների դիմել գործին առնչվող անվտանգության բոլոր աշխատակիցների նկատմամբ, որովհետեւ փաստերը ոչնչացվում են:

Ըստ «Ռադիկալի», Դինքի սպանությունից հետո դրա կազմակերպիչներից Էրհան Թունջելը իսկույն կանչվել է Տրապիզոնի անվտանգության վարչության ահաբեկչության դեմ պայքարի բաժին: Նրան այնտեղ 14 ժամ պահելուց հետո ազատ են արձակել առանց որեւէ արձանագրություն կազմելու: Այսպիսով, անհայտ է մնացել, թե ինչի մասին են խոսել Թունջելի հետ բաժնի աշխատակիցները:

«Ռադիկալի» վկայությամբ, Դինքի սպանության հարցում բացահայտման վճռականություն ցուցաբերող իշխանություններն այնուհետեւ տեղի են տվել: Թուրքական այս թերթը նույն օրվա համարում նշում է, որ դատախազությունը դիմել էր նաեւ Ստամբուլի փոխնահանգապետ Էրգուն Գյունգորին՝ ճշտելու համար Ազգային անվտանգության կազմակերպության՝ MIT-ի երկու աշխատակիցների անունները, որոնք 2005-ին փոխնահանգապետի սենյակում սպառնացել էին Հրանտ Դինքին: Դիմումից հետո պարզվել է, որ Գյունգորը փոխնահանգապետ է նշանակվել Չանքըրիում:

Սեպտեմբերի 30-ի համարում Էրհան Թունջելի առնչությամբ «Ռադիկալին» է լրացնում «Սաբահ» թերթը: Պարզվում է, նախքան Թունջելին Տրապիզոնում ահաբեկչության դեմ պայքարի բաժին կանչելը, նրա հետ հեռախոսակապ է հաստատել բաժնի աշխատակից Մուհիթդին Զենիթը՝ հարցնելով. «Մահացա՞վ»: Թունջելն ասել է. «Իհարկե, պարզապես սպանողը չպետք է փախուստի դիմեր»: «Սաբահի» վկայությամբ, հեռախոսազրույցի ընթացքում բաժնի աշխատակից Զենիթը, նկատի ունենալով Հրանտ Դինքին, Թունջելին ասել է. «Դե ինչ, սատկել է, թող սատկի»: 2007-ի ապրիլի 5-ին, երբ այս հեռախոսազրույցին արձագանքել են թուրքական թերթերը, Ստամբուլի դատախազությունը հարցաքննել է Զենիթին, իսկ նա պատասխանել. «Ես այդ հեռախոսազրույցն ունեցել եմ վերադասներիս պահանջով, նպատակը Թունջելից խոսք քաշելն էր»:

Ինչ վերաբերում է դատական երկրորդ նիստին, ապա դահլիճում բացի Դինքի ընտանիքի անդամներից, դատապաշտպանից, ներկա են եղել նաեւ Գերմանիայի «Կանաչների միության» համանախագահ Կլոդիա Ռութը եւ Մեջլիսի անկախական պատգամավոր Ուֆուք Ուրասը: Մինչ դատախազները մեղադրյալներին ամբաստանել են հանցավոր կազմակերպություն ստեղծելու մեջ, վերջիններս սկսել էլ միմյանց մեղադրել:

Մարդասպան Օգյուն Սամասթը, որն առաջին նիստում անմեղության կանխավարկածի իրավունքով լռություն էր պահպանել, զղջացել է կատարվածի համար, ասել է, որ ինքը սպանությունից առաջ թմրանյութ է օգտագործել, եւ ավելացրել է. «Սպանությունն ինձ պարտադրեց Յասին Հայալը»: Վերջինն իր հերթին մեղադրել է Էրհան Թունջելին, որն էլ արդարացել է, թե ծրագրվող սպանության մասին նախապես տեղյակ է պահել իրավապահ մարմիններին: Այդ ընթացքում Թուրքիայի ազգային մեծ ժողովի մարդու իրավունքների հանձնաժողովի որոշմամբ ստեղծվել է լրագրող Հրանտ Դինքի սպանության ուսումնասիրման ենթահանձնաժողով:

ՀԱԿՈԲ ՉԱՔՐՅԱՆ
Source: http://www.azg.am/

Permanent link:  http://www.armpress.com/azg/2007/10/02/146/

Comments

Leave a Reply

You must be logged in to post a comment.

    Friday, 10 September 2010

  • Admin

  • Calendar

  • Archives

  • Links

  • International newspers: