• Newspapers

  • 168 Hours Weekly
  • Aravot newspaper
  • ArmeniaNow Weekly
  • ArmPress.com
  • Asbarez Daily
  • AZG Armenian Daily
  • Delovoy Express weekly
  • Golos Armenii
  • Hayastany Hanrapetutyun daily
  • Hetq Online
  • Iravunk newspaper
  • Novoe Vremia newspaper
  • Republica Armenia newspaper
  • Zhamanak Daily

• Recently Written

  • СТРАТЕГИЧЕСКИЕ ПАРТНЕРЫ ВО ВСЕХ ОТНОШЕНИЯХ
  • Քոչարյանի շանսը
  • «Մեկ կադր, մեկ րոպե»-ն` 21-րդ դարի կինոփառատոն
  • Если Турция обманет Армению, то она обманет себя
  • XXI век и армянский вопрос
  • WHAT IS KARS AGREEMENT?
  • What Happens Next?
  • Coalition Exit: Armenia’s hardline party pulls out of government over policy difference
  • ԹՈՒՐՔ ԴԻՎԱՆԱԳԵՏՆԵՐԸ ԳՈՐԾՈՒՄ ԵՆ ԹԻԿՈՒՆՔԻՑ
  • The choice is yours

• Search
• 
  
• 

Ô±Õ¤Ö€Õ¢Õ¥Õ»Õ¡Õ¶Õ¨ Õ°Õ¥Ö€Õ©Õ¡Õ¯Õ¡Õ¶ Õ¡Õ¶Õ£Õ¡Õ´ Õ¶Õ¡Õ­Õ¨Õ¶Õ¿Ö€Õ¸Ö‚Õ´ Õ§ Õ¯Õ¥Õ²Õ®Õ«Ö„Õ¨

ՄԱԿ-ի Մարդու իրավունքների խորհրդում Ադրբեջանի ներկայացրած «զինված բախումների ժամանակ մշակութային ժառանգության պաշտպանության» բանաձեւը Հայաստանը գնահատում է որպես եւս մեկ քայլ որեւէ կերպ ղարաբաղյան հարցի կարգավորման խնդիրը ՄԱԿ-ի շրջանակներ ներմուծելու ուղղությամբ: Ադրբեջանական այդ բանաձեւի առնչությամբ «Ազգի» հետ հեռախոսազրույցում այսպիսի մեկնաբանություն տվեց ՄԱԿ-ի ժնեւյան գրասենյակում ՀՀ ներկայացուցիչ Զոհրաբ Մնացականյանը:

ՄԱԿ-ի Մարդու իրավունքների խորհուրդը ստեղծվել է 2006-ին` փոխարինելով նախկինում գործող Մարդու իրավունքների հանձնաժողովին, որի անդամ են ՄԱԿ-ի 47 անդամ պետություններ: 2002-2006 թթ. ընթացքում լինելով ՄԱԿ-ի Մարդու իրավունքների հանձնաժողովի անդամ` Հայաստանը ներկայումս ՄԻԽ-ում ունի դիտորդի կարգավիճակ:

Մարդու իրավունքների խորհրդի 6-րդ նստաշրջանում ընդունված ադրբեջանական բանաձեւին զուգահեռ ընդունվել է նաեւ Հայաստանի ներկայացրած ավելի ընդգրկուն «Մշակութային ժառանգության պաշտպանությունը որպես մշակութային իրավունքների խրախուսման եւ պաշտպանության կարեւոր բաղադրիչ» բանաձեւը: Այն ՄԱԿ-ում մարդու իրավունքների գլխավոր հանձնակատարին կոչ է անում ուշադրություն դարձնել եւ առաջ տանել մշակութային հուշարձանների խնդիրը հենց մարդու իրավունքների կտրվածքով:

Սեպտեմբերի 28-ին ՄԱԿ-ի Մարդու իրավունքների խորհրդի վեցերորդ նստաշրջանում Հայաստանի նախաձեռնությամբ եւ Եգիպտոսի, Ալժիրի, Թունիսի, ՌԴ-ի, Ղազախստանի, Եթովպիայի, Բելառուսի եւ այլ երկրների համահեղինակությամբ ընդունված բանաձեւում, ՀՀ ԱԳՆ հաղորդագրության համաձայն, ընդգծվում է, որ մշակութային ժառանգությունը ժողովուրդների եւ անհատների մշակութային ինքնության բաղադրիչ է:

Ըստ այդմ, յուրաքանչյուր մշակույթ կրում է արժանապատվություն եւ արժեք, որ պետք է հարգվի եւ պահպանվի: Բանաձեւում մշակութային ժառանգության ավերումը բնութագրվում է որպես մշակութային իրավունքների խախտում: Շեշտվում է նաեւ, որ մշակութային ժառանգության միտումնավոր ավերումը կարող է դառնալ ազգային, ռասայական կամ կրոնական ատելության քաջալերում կամ հրահրում: Խիստ մտահոգություն հայտնելով, որ աշխարհի տարբեր վայրերում շարունակվում են մշակութային ժառանգության միտումնավոր ավերման դեպքերը` բանաձեւն ընդգծում է երկրների պատասխանատվությունը ինչպես միտումնավոր ավերման, այնպես էլ չկանխելու, չդադարեցնելու եւ մեղավորներին չպատժելու համար:

Նույն նստաշրջանում Հայաստանը որպես պաշտոնական փաստաթուղթ ՄԻԽ անդամների ուշադրությանն է ներկայացրել Ջուղայի հայկական միջնադարյան գերեզմանոցի եւ ընդհանրապես Նախիջեւանում հայկական մշակութային ժառանգության ավերման նյութեր: Ինչպես տեղեկացրեց Զոհրաբ Մնացականյանը Ժնեւից, Հայաստանը մշակութային ժառանգության ավերման խնդրում նախաձեռնություններ է ցուցաբերում նաեւ եվրոպական համապատասխան կառույցներում, հատկապես ՅՈՒՆԵՍԿՕ-ում, աշխատում է դիտարկման առաքելությունների կազմակերպման ուղղությամբ: Ավելին, ՄԻԽ շրջանակներում Ջուղայի խաչքարերի ու շիրմաքարերի ավերման մասին տարածված նյութերը, Զոհրաբ Մնացականյանի խոսքերով, տեղադրված են խորհրդի կայքէջում:

Ինչ վերաբերում է ՄԱԿ-ի ՄԻԽ-ում բանաձեւերի ուժին եւ ազդեցությանը, ինչպես պարզաբանեց Մնացականյանը, դրանք, այսպես կոչված, փափուկ օրենք են, օրենսդրական համակարգի զարգացման տարրեր: Դրանց հիման վրա ստեղծվում են օրենքներ, կոնվենցիաներ, բացի դրանից, այս բանաձեւերն ունեն քաղաքական տարրեր որպես, ասենք, մշակութային իրավունքի խախտմանն առնչվող փաստաթղթեր:

Առավել հետաքրքրական է, որ ադրբեջանական արտաքին քաղաքականության հերթական «հաղթանակ» ներկայացվող բանաձեւը, ինչպես եւ Հայաստանի ներկայացրածը, ուղղված չէ կոնկրետ երկրի դեմ, չի պարունակում ոչ մի թիվ, թեեւ ադրբեջանական կայքէջերում հիշատակվում է չգիտես ինչ կարգով բացահայտված վիճակագրություն ադրբեջանական հուշարձանների ոչնչացման մասին: Ընդ որում, դրանցում անտեղի հոլովվում է անվտանգության գոտու հանգամանքը, մինչդեռ նման բան չկա բանաձեւում: Ավելին, բանաձեւերում ոչ Հայաստան է նշվում, ոչ էլ Ադրբեջան:

Սեպտեմբերի 28-ին Հայաստանի նախաձեռնությամբ Ժնեւում Մարդու իրավունքների խորհուրդն ընդունեց որոշում նաեւ ցեղասպանության կանխարգելման վերաբերյալ: Այն ցեղասպանությունների կանխարգելման ուղղությամբ ՄԱԿ-ում Հայաստանի նախկին նախաձեռնությունների շարունակությունն է եւ նպատակ ունի մարդու իրավունքների պաշտպանությամբ զբաղվող ՄԱԿ-ի հիմնական մարմնի շրջանակներում զարգացնելու վաղ կանխարգելման խնդիրները:

Այս բանաձեւը եւս մեկ քայլ է մեկ կողմից ՄԱԿ-ի մարդու իրավունքների հիմնական մարմնի, ներառյալ դրա շրջանակներում գործող տարբեր մեխանիզմները եւ ՄԱԿ-ի Մարդու իրավունքների բարձրագույն հանձնակատարը, մյուս կողմից ՄԱԿ գլխավոր քարտուղարի հիմնած Ցեղասպանության կանխարգելման հատուկ խորհրդականի միջեւ համակարգված ու կանոնավոր փոխգործակցության համակարգի զարգացման ուղղությամբ: Որոշումը համահեղինակել են 62 պետություններ, ինչը նախաձեռնության քաղաքական պահանջարկի եւ լայն աջակցություն վայելելու եւս մեկ ապացույց է:

ԱՂԱՎՆԻ ՀԱՐՈՒԹՅՈՒՆՅԱՆ
Source: http://www.azg.am/

Permanent link:  http://www.armpress.com/azg/2007/10/02/144/

Comments

Wednesday, 08 February 2012

• Admin

  • Log in
  • XHTML

• Calendar

  • October 2007

    M	T	W	T	F	S	S
    « Sep				Nov »
    1	2	3	4	5	6	7
    8	9	10	11	12	13	14
    15	16	17	18	19	20	21
    22	23	24	25	26	27	28
    29	30	31

• Archives

  • April 2009
  • December 2008
  • September 2008
  • August 2008
  • July 2008
  • June 2008
  • May 2008
  • April 2008
  • March 2008
  • February 2008
  • January 2008
  • December 2007
  • November 2007
  • October 2007
  • September 2007

• Links

  • “Golos Armenii” newspaper - Golos Armenii newspaper
  • 168 Hours newspaper - 168 Hours newspaper
  • Aravot newspaper - Aravot newspaper
  • ArmeniaNow Weekly - ArmeniaNow Weekly
  • Asbarez Daily - Asbarez Armenian Daily Newspaper
  • AZG Armenian Daily - AZG Armenian Daily newspaper
  • Delovoy Express weekly - Armenian business weekly
  • Hayastany Hanrapetutyun daily - Hayastany Hanrapetutyun daily newspaper
  • Hetq Online - Online newspaper
  • Iravunk newspaper - Iravunk newspaper
  • Novoe Vremia newspaper - Novoe Vremia independent newspaper
  • Republica Armenia newspaper - Republica Armenia social and political newspaper
  • Zhamanak Daily - “Zhamanak” Armenian-American Political Daily

• International newspers: